ट्रकमे हायस टक्राके १६ जाने घाहिल
पहुरा समाचारदाता
धनगढी, १० माघ । कैलालीके गोदावरी नगरपालिका वडा नं. १ स्थित पाठक पेट्रोल पम्पलग्गे ट्रकमे हायस टक्राके १६ जाने घाहिल हुइल बटै ।
धनगढी–अत्तरिया ६ लेन सडकमे रोकल ट्रकके पाछेक भागमे हायस टक्रामे हायसमे सवार १६ जाने घाहिल हुइल बटै । ईलाका प्रहरी कार्यालय मालाखेतीके अनुसार अत्तरियासे धनगढीओर जैटी रहल सु.प.प्र ०२ ००१ ख ११६६ नम्बरके हायस रोकल ना ४ ख १९१५ नम्बरके ट्रकके पाछे टक्राइल हो ।
घाहिल हुइलमे उईङगर चालक गौरीगंगा न.पा. ९ बैठना बर्ष ३५ के धर्मराज जोशी, भारत लखनउ बैठना बर्ष ३५ के चन्द्री रावत, बर्ष २७ महेन्द्र रावत, बर्ष १९ के अबजित रावत, धनगढी उपमहानगरपालिका बर्ष २५ के अमृता चन्द, कञ्चनपुर भिमदत्त न.पा.१९ बैठना बर्ष २३ के सारदा भट्ट, वडा–.१८ बैठना बर्ष २८ के पुष्पा भट्ट, धनगढी उ.म.न.पा.२ बैठना बर्ष ३३ के बिमला जोशी, बर्ष १३ के दिपिका जोशी, कञ्चनपुर शुक्लाफाटा न.पा.७ बैठना बर्ष ५० के मनि जोशी,
बर्ष ३८ के रमेश जोशी रहल बटै ।
ओस्टेक भिमदत्त न.पा.२ बैठना बर्ष ४० के गोविन्द भट्ट, भारत लखनउ बैठना बर्ष ५० के रुपन हरिजन, बर्ष ३६ के किशोर हरीजन, बर्ष २५ के प्रेम कुँवर, बर्ष २५ के रजनी हरिजन रहल जिल्ला प्रहरी कार्यालय कैलाली जनैले बा । घटना सकारे ९ः२५ बजे हुइल रहे ।
दुर्घटनामे घाहिल १६ जाने मन्से १४ जाने सामान्य रहल ओर हायसके चालक ओ एक जाने महिलाहे मध्यम चोट लागल प्रहरी जनैले बा । घाहिल मन्से कुछ जानेक धनगढीस्थित माया मेट्रो हस्पिटल ओ कुछ जानेक अत्तरियास्थित पद्मा अस्पतालमे उपचार हुइटी रहल जिल्ला प्रहरी कार्यालय कैलालीके प्रवक्ता वेदप्रकाश जोशी बटैलै ।
ट्रक नियन्त्रणमे रहल ओ ट्रक चालक फरार रहल ओरसे खोजी कार्य जारी रहल ईलाका प्रहरी कार्यालय म
