अपने गोसिनियाके हत्या

पहुरा समााचारदाता
धनगढी, १० माघ । कैलालीमे एक जाने व्यक्ति अपने गोसिनीयाके हत्या करले बाटै ।

जिल्लाके गोदावरी नगरपालिका–९ के परशुराम रोक्कामगर अँट्वारके साँझ कुटपिट कैके गोसिनीया भावनाके हत्या करल हुइट । गोसिनीयाके हत्या कैके रोक्कामगर फरार रहल ओ ओहकान खोजी कैटी रहल प्रहरी जनैले बा ।

जिल्ला प्रहरी कार्यालय कैलालीके प्रहरी नायब उपरीक्षक (डीएसपी) प्रविन विष्ट घरायसी विवादमे रोक्कामगर कुटपिट कैके गोसिनीयाके हत्या करल पाइल जानकारी डेलै ।

घटनाके अनुसन्धानके लाग इलाका प्रहरी कार्यालय मालाखेतीके प्रमुख प्रहरी नायब उपरीक्षक (डीएसपी) नवराज पोखरेल नेतृत्वके टोली खटल बा ।