कोरोना बह्रलपाछे भारत आवातजावतमे रोक

कञ्चनपुर १० माघ । कोरोनाके लावा भेरियन्ट ओमिक्रोनके सङ्क्रमण बह्रलसंगे पश्चिमी सीमा नाका गड्डाचौकी हुइटी भारतसे हुइना आवतजावतके कार्य बन्द करल बा ।

प्रमुख जिल्ला अधिकारी रामप्रसाद पाण्डेयके संयोजकत्वमे बैठल जिल्ला कोभिड व्यवस्थापन समितिके बैठकसे माघ ९ गते रात १२ बजेसे लागू हुइना मेरके औरे व्यवस्था नैहुइटसमके लाग अत्यावश्यक कार्यबाहेक सीमा नाकामे भारत ओरसे हुइना आवतजावत साइकलमार्फत हुइना क्यारिङ समेत नैकैना/नैकरैना निर्णय करल बा ।

अति आवश्यक कामसे जैही पर्ना हुइलेसे उहीसे सम्बन्धित कागजात ओ कोभिड–१९ विरुद्धके खोप लगाइल कार्ड मोबाइलमे फोटोसमेत रलेसे हुइना अनिवार्यरूपमे सुरक्षाकर्मीहे डेखाइ पर्ना नियम लागू करल बा । विवाह, व्रतबन्ध जैसिन समाजिक कार्य करेबर २५ जनहनके संख्या नैबह्राके कैना ओ नित्य धार्मिक पूजा प्रार्थना बाहेकके धार्मिक भेला तथा कार्यक्रम हाल सञ्चालन नैकैना ओ एम्बुलेन्स सेवा प्रदायक संस्थाहे आपन सञ्चालनमे लानल एम्बुलेन्समे अनिवार्यरूपमे जिपिएस राखे पर्ना बा ।

सरकारी निकाय, स्थानीय तह, गैरसरकारी निकाय, सङ्घसंस्था, पत्रकार महासङ्घलगायतके सरोकारवाला सक्कु सङ्घसंस्थाके सहकार्य ओ समन्वयमे सक्कु पालिकामे अभियानके रूपमे जनचेतनामूलक कार्यक्रम ओ मास्क अभियान सञ्चालन कैना बैठकसे निर्णय करले बा ।

कोरोना भाइरसके सङ्क्रमण रोकथाम ओ न्यूनीकरणके लाग नेपाल सरकारके निर्णय सक्कु सुरक्षा निकायलगायत सक्कु सरोकारवाला निकाय ओ सङ्घसंस्था समन्वयात्मक रूपमे परिचालन होके कार्यान्वयन कैना बैठकसे आग्रहसमेत करले बा ।