ओमिक्रोनसे कोभिड महामारी अन्त्य कराईः डब्लूएचओ

काठमाडौं, १० माघ । कोभिडके नयाँ भेरियन्ट ओमिक्रोनसे कोभिड १९ महामारीहे नयाँ चरणमे लैगिल ओ हाली यी महामारी अन्त्य हुइना विश्वास विश्व स्वास्थ्य संगठनके निर्देशकसे करले बटै ।

‘ओमिक्रोनसे युरोपहे महामारी अन्त्यके खेलओर लैजैटी बा,’ डब्लूएचओके महानिर्देशक हान्स क्लुग कहलै । मार्चसम भर ओमिक्रोनसे ६० प्रतिशत युरोपेली संक्रमित हुइना उहाँक कहाई बा ।

सक्कु युरोपहे ढाकल ओमिक्रोन कुछ महिनापाछे शान्त रहना उहाँक विश्वास बा । खोपके कारण विश्वव्यापी रुपमे मनैनके रोग प्रतिरोधात्मक क्षमता बढल उहाँ बटैलै । ‘मने, यी वर्षके अन्त्यसममे विश्व शान्त बनी,’ उहाँ कहलै ।

अमेरिकाके वरिष्ठ वैज्ञानिक एन्थोनी फाउसीसेफे कोभिड संक्रमण विस्तारे विश्वसे घटटी जैना विश्वास करले बटै । अमेरिकाके कोभिड संक्रमण विस्तारे घटटी क्रममे बा ।