सुदूरपश्चिमके चार जनहनमे ओमिक्रोन संक्रमण पुष्टि
धनगढी, ११ माघ । सुदूरपश्चिमके चार जनहनमे ओमिक्रोन पुष्टि हुइल बा ।
सुदूरपश्चिम प्रदेश सामाजिक विकास मन्त्रालयके अनुसार बझाङके बित्थडचिर गाउँपालिका वडा नम्बर २ के ३३ वर्षीय पुरुष, डोटीके पूर्वीचौकी गाउँपालिका वडा नम्बर ७ के ४८ वर्षीय पुरुष तथा कञ्चनपुरके दोधाराचाँदनी वडा नम्बर २ के ४२ वर्षीय पुरुष ओ पुनर्वास नगरपालिका वडा नम्बर २ के २९ वर्षीय पुरुषमे ओमिक्रोन पुष्टि हुइल हो ।
एन्टीजेन पोजेटिभ डेखल मध्ये एक सय ४६ जनहनके परीक्षण करेबर ओमिक्रोन भेटल सामाजिक विकास मन्त्रालयके प्रवक्ता नरेन्द्रसिंह कार्की बटैलै । भारतसे नेपाल प्रवेश करलहुक्रनके एन्टीजेन परिक्षण करेबर कोभिड–१९ संक्रमण पुष्टि हुइल मध्ये लावा भेरियन्ट पहिचानके लाग पुस २५ गते जनस्वास्थ्य प्रयोगशाला काठमाडौंमे पठाइल रहे ।
ओमिक्रोन पुष्टि हुइलहुक्रनके त्रिनगर हेल्थ डेस्कमे नमुना संकलन करल जनाइल बा ।
