संक्रमण दर उच्च
पहुरा समाचारदाा
धनगढी, ११ माघ । सुदूरपश्चिम प्रदेशमे दुई दिन यहोर कोरोना संक्रमणदर फेरसे उच्च बनल डेखल बा ।
सामाजिक विकास मन्त्रालय स्वास्थ्य निर्देशनालयसे डेहल जानकारी अनुसार सोम्मार ओ मंगरके रोज कोरोना संक्रमणदर उच्च डेखल हो । सोम्मारके रोज १५ सय ४७ जानेक कोरोना परिक्षण करेबेर ५ सय ५० जनहनमे संक्रमण पुष्टि हुइल रहे कलेसे मंगरके रोज १९ सय ७३ जानेक कोरोना परिक्षण करेबेर ६ सय ५२ जनहनमे संक्रमण पुष्टि हुइल हो । मंगरके रोज सबसे १३३ जाने कोरोना मुक्त हुइल मन्त्रालय जनैले बा ।
प्रदेशमके आरटी पीसिआरके १९ सय १९ ओ एन्टीजेनके २६ सय ६८ करके ४५ सय ८७ जाने कोरोनाके सक्रिय संक्रमित रहल बटै । ओस्टेक मंगरके सुदूरपश्चिम प्रदेशके टमान नाकासे ९ सय ६६ जाने नेपाल भिटरलमे १ सय १६ जनहनमे संक्रमण डेखल मन्त्रालय जनैले बा ।
ओस्टेक करके पछिल्का २४ घण्टामे देशभर १२००८ जनहनमे कोरोना पुष्टि हुइल बा । उहे अवधिमे ८ जानेक मृत्यु हुइल बा । स्वास्थ्य तथा जनसंख्या मन्त्रालयके अनुसार पछिल्का २४ घण्टामे २५ हजार ९०९ जनहनमे परीक्षण हुइल रहे । उहे अवधिमे ३०४० जाने ठिक हुइल बटै । यी संगे देशभर कोरोनाके सक्रिय संक्रमितके संख्या ८८ हजार ९३४ पुगल बा ।
हाल देशभर कोरोना संक्रमितके कुल संख्या पीसीआर विधिसे हुइल परीक्षणमे ९ लाख २७ हजार ८८० ओ एन्टिजेन विधिसे हुइल परीक्षणमे १ लाख १७ हजार ७५४ जाने पुगल बा । संक्रमितमन्से ८ लाख २७ हजार २७९ जाने ठिक हुइल बटै कलेसे ११ हजार ३३७ जानेक मृत्यु हुइल बा ।
ओस्टेक पछिल्का २४ घण्टामे २ लाख ३९ हजार ८५१ जाने कोरोनाविरुद्धके खोप लगैले बटै ।
