नेपालके जनसंख्या २ करोड ९१ लाख ९२ हजार ४८० पुगल

पहुरा समाचारदाता
काठमाडौं, १२ माघ । नेपालके जनसंख्या २ करोड ९१ लाख ९२ हजार ४८० पुगल बा ।

यी वर्ष २०७८ मे सम्पन्न करल जनगणनाके प्रारम्भिक तथ्यांकअनुसार कुल जनसंख्या २ करोड ९१ लाख ९२ हजार ४८० पुगल बुधके तथ्यांक विभाग जानकारी डेहल हो । पुरुषके संख्या महिलाके तुलनामे कम बा । ६८ सालके असार महिनामे नेपालके जनसंख्या २ करोड ६४ लाख ९४ हजार ५०४ रहे । यी १० वर्षमे नेपालके जनसंख्या २७ लाखसे बढल बा ।

विभागसे यी वर्ष दुई चरण करके देशके जनगणना सम्पन्न करल रहे । यकर लाग ५० हजारसे ढेर जनशक्ति खटाइल रहे ।