सुदूरपश्चिम प्रदेशके जनसंख्या वृद्धिदर ०.६० प्रतिशत
पहुरा समाचारदाता
धनगढी, १२ माघ । सुदूरपश्चिम प्रदेशके जनसंख्या वृद्धिदर ०.६० प्रतिशत रहल केन्द्रीय तथ्यांक विभाग जनैले बा ।
नेपालमे जनसंख्या वृद्धिदर ०.९३ प्रतिशत केल रहल यी पछिल्का ८ दशकयहोरके कम वृद्धिदर रहल केन्द्रीय तथ्यांक विभाग जनाइल हो ।
सबसे ढेर भर लुम्बिनी प्रदेशके वृद्धिदर विल्गाइल बा । ५१ लाख २४ हजार २ सय २५ जनसंख्या रहेबेर वृद्धिदर १.३० प्रतिशत रहल । २०६८ सालमे यहाँ ४४ लाख ९९ हजार २ सय ७२ जनसंख्या रहल रहे ।
प्रदेश १ मे ०.९२, मधेश प्रदेशमे १.२५, बागमतीमे ०.९६, कर्णालीमे ०.७६ जनसंख्या बह्रल बा । यम्ने सबसे कम जनसंख्या वृद्धिदर गण्डकी प्रदेशमे रहल पाइल बा । विभागके तथ्यांकअनुसार गण्डकी प्रदेशमे जनसंख्या २४ लाख ७९ हजार ७ सय ४५ जाने रहल बा । यहाँ पछिल्का १० वर्षके जनसंख्या वृद्धिदर केवल ०.३१ प्रतिशत केल हो । २०६८ सालमे गण्डकीमे २४ लाख ३ हजार ७ सय ५७ जनसंख्या रहल रहे ।
नेपालके जनसंख्या २०६८ मे २ करोड ६४ लाख ९४ हजार ५ सय ४ रहलमे २०७८ मे ०.९७ प्रतिशतके वृद्धिदरसहित २ करोड ९१ लाख ९२ हजार ४ सय ८० पुगल बा ।
