राष्ट्रिय सभा निर्वाचनके मतदान सुुरू

पहुरा समाचारदाता
धनगढी,१२ माघ । राष्ट्रिय सभा निर्वाचनके मतदान सुरु हुइल बा । सातु प्रदेशमे सकारेसे मतदान सुरु हुके हो । सकारे ९ बजेसे अपराह्न ३ बजेसम निर्वाचन अब्बे जारी रहल बा ।

सुदूरपश्चिममे खाली रहल तीन राष्ट्रियसभा सदस्य चयनके लाग प्रदेशके अस्थायी मुकाम धनगढीस्थित प्रदेशसभा परिसरमे मतदान हुइटी रहल बा । सुदूरपश्चिममे सत्तारूढ गठबन्धन ओ नेकपा एमालेबीच चुनावी प्रतिस्पर्धा बा ।

निर्वाचन अधिकृतके कार्यालयके अनुसार प्रदेशसभा सदस्यहुक्रे मतदान केन्द्र ‘क’ ओ स्थानीय तहके प्रमुख, उपप्रमुख तथा अध्यक्ष, उपाध्यक्षहुक्रे मतदान केन्द्र ‘ख’ मे भोट डरटी रहल बटै ।