सुदूरपश्चिमसे गरिमा शाह विजयी

पहुरा समाचारदाता
धनगढी, १२ माघ । राष्ट्रियसभा सदस्यमे सुदूरपश्चिमसे गरिमा शाह विजयी हुइल बटी । शाह नेकपा एकीकृत समाजवादीके केन्द्रीय सचिव तथा सुदूरपश्चिम इन्चार्जसमेत हुइट ।

उहाँ सत्ता गठबन्धनसे महिलाओरके उम्मेदवार रहिट । शाह प्रदेशसभाओर १८७२ मतभार ओ स्थानीय तहओर १९६२ मतभार पाके निर्वाचित हुइल हुइट । निकटतम प्रतिद्वन्द्वी एमाले उम्मेदवार सन्तोषकुमारी थापा प्रदेशओर ५७६ ओ स्थानीय तहओर ११५२ मतभार प्राप्त करले बटी ।