गरिमा शाह ओ जगत पार्की विजयी

पहुरा समाचारदाता
धनगढी, १२ माघ । राष्ट्रियसभा सदस्यमे सुदूरपश्चिमसे गरिमा शाह ओ जगत पार्की विजयी हुइल बटै । शाह नेकपा एकीकृत समाजवादीके केन्द्रीय सचिव तथा सुदूरपश्चिम इन्चार्जसमेत हुइट ।

उहाँ सत्ता गठबन्धनसे महिलाओरके उम्मेदवार रहिट । शाह प्रदेशसभाओर १८७२ मतभार ओ स्थानीय तहओर १९६२ मतभार पाके निर्वाचित हुइल हुइट । निकटतम प्रतिद्वन्द्वी एमाले उम्मेदवार सन्तोषकुमारी थापा प्रदेशओर ५७६ ओ स्थानीय तहओर ११५२ मतभार प्राप्त करले बटी ।

ओस्टेक माओवादी ओरसेके उम्मेदवार पार्की प्रदेशसभाओर १८७२ मतभार ओ स्थानीय तहओर १८९० करके ३७ सय ६२ मत पाके निर्वाचित हुइल बटै ।

निकटतम प्रतिद्वन्द्वी एमाले उम्मेदवार नरेश विक प्रदेशओर ५७६ ओ स्थानीय तहओर १२०६ मतभार प्राप्त करले बटै ।