बझाङमे कैदीबन्दी भेटघाट बन्द

बझाङ,१३ माघ । जिल्ला कारागार बझाङके कैदीबन्दी भेटघाट बन्द करल बा । भेटघाटके क्रममे कैदीबन्दीहे कोरोना सरे सेक्ना कहटी प्रशासन रोक लगाइल बटाइल बा । कोरोनाके पहिल लहरमे सक्कु कैदीबन्दी संक्रमित हुइल रहिट ।

भेटघाटके क्रममा कारागारमे रहल कैदीबन्दीहे कोरोना सरे सेक्ना जोखिम उच्च रहल ओरसे औरे सुचना जारी नैहुइटसमके लाग तत्कालके लाग भेटघाट बन्द करल बझाङ कारागार प्रमुख धन बहादुर घर्ती बटैलै ।

जिल्ला अदालत बझाङसे सजाय वा पुर्पक्षमे पठैना कैदीबन्दीहे कोरोना परीक्षण अनिवार्य करल जनाइल बा ।