सुदूरपश्चिममे ५५८ जाने संक्रमित ठपलै
पहुरा समाचारदाता
धनगढी, १३ माघ । सुदूरपश्चिम प्रदेशमे विफेक रोज ५ सय ५८ जाने कोरोना भाइरस संक्रमित ठपलसंग्गे सक्रिय संक्रमितके संख्या ४ हजार ९ सय ९२ पुगल बा ।
सामाजिक विकास मन्त्रालयसे डेहल जानकारी अनुसार पछिल्का २४ घण्टामे ५ सय ५८ जाने कोरोना संक्रमित ठपल बटै । एन्टीजेन विधिसे १६ सय ६ जानेक परिक्षण करेबेर ३६४ ओ आरटी पीसिआर विधिसे ३०७ जानेक परिक्षण करेबेर १९४ जानेकमे कोरोना संक्रमण पुष्टि हुइल मन्त्रालय जनैले बा । ओस्टेक २४ घण्टामे १३० जाने कोरोना मुक्त हुइल बटै ।
सुदूरपश्चिम प्रदेशके टमान नाकासे बुधके रोज ९ सय १८ जाने नेपाल भिटरेबेर १०० जनहनमे कोरोना संक्रमण पुष्टि हुइल जनागिल बा । कैलालीके गौरीफन्टा नाकासे ३ सय १३ जाने आइबेर २९ जनहनमे, कञ्चनपुरके गडडाचौकीसे ५ सय ३२ जाने आइबेर ६० जनहनमे, बैतडीके जुलाघाटसे ६८ जाने आइबेर ९ जनहनमे ओ दार्चुलाके पुलाघाटसे ५ जाने आइबेर २ जनहनमे कोरोना संक्रमण डेखल बा ।
ओस्टेक २४ घण्टामे कोरोनाभाइरससे देशभर १५ जानेक मृत्यु हुइल बा । स्वास्थ्य तथा जनसंख्या मन्त्रालयसे विफेक यीबारे जानकारी डेटी मृतकके संख्या १५ जाने थपलसंगे कुल मृतकके संख्या ११ हजार ६८७ जाने पुगल जनाइल बा । ओस्टेक पछिल्का २४ घण्टामे ८०१७ जनहनमे कोरोना संक्रमण पुष्टि हुइल बा ।
ओस्टेक पछिल्का २४ घण्टामे ८०१७ जनहनमे कोरोना संक्रमण पुष्टि हुइल बा । ओस्टेक उहे अवधिमे ५ हजार २१९ जाने ठिक हुइल बटै । पछिल्का २४ घण्टामे २१ हजार ८०८ जानेक नमुना परीक्षण हुइल रहे ।
यी संगे देशभर कोरोना संक्रमितके कुल संख्या पीसीआर विधिसे ९ लाख ३९ हजार २६७ ओ एन्टिजेन विधिसे हुइल परीक्षणमे १ लाख २२ हजार ८३८ जाने पुगल बा । संक्रमितमन्से ८ लाख ३७ हजार ४ जाने ठिक हुइल बटै । विफेक रोज विफेक तथ्यांकसंगे देशभर कोरोना संक्रमितके कुल संख्या ९० हजार ५७६ जाने पुगल बा ।
