जनज्योति सोनिया सामुदायिक वनके आठौ बार्षिक साधारणसभा

पहुरा समाचारदाता
पहलमानपुर, १३ माघ । कैलालीके भजनी नगरपालिका–९ डोङपुरमे रहल जन ज्योति सामुदायिक वन उपभोक्ता समुहके आठौ बार्षिक साधारणसभा विफेक रोज हुइल बा ।

सामुदायिक वनके अध्यक्ष अर्जुनबहादुर बमके अध्यक्षतामे हुइल कार्यक्रममे वकडा पहुना पचमुडिया सव डिभिजन बन कार्यालयके फलिष्टर भीष्मराज ओझा रहल रहल रहिट । ओस्टेक विशिष्ट पहुना भजनी–९ अध्यक्ष कृष्णा चौधरी रहल रहिट ।

कार्यक्रममे घोडताल सामुदायिक वनके अध्यक्ष रामप्रसाद चौधरी, पत्रकार जीवन चौधरी शुभकामना मन्तव्य व्यक्त करल रहिट । कार्यक्रममे सामुदायिक वनके सचिव विरबहादुर चौधरी संचालन तथा आयव्यय प्रस्तुत करले रहिट । कार्यक्रममे स्वागत मन्तव्य उपाध्यक्ष प्रकाश बहादुर सिह करले रहिट ।