आहा–रारा गोल्डकपके उपाधि एपीएफहे

पोखरा, १५ माघ । पोखरामे निम्जल आहा रारा गोल्ड कपके उपाधि एपीएपी जिट्ले बा । मनाङ मस्र्याङदीहे टाई ब्रेकरमे ५–४ गोल अन्तरसे हटाके आहा रारा गोल्डकपके २० औं श्रृंखलाके उपाधि एपीएफ उठाइल हो ।

निर्धारित ९० मिनेटमे २–२ गोलके बराबरी हुइल रहे । अतिरिक्त समयमे धकेलल खेलमे दुनु पक्षसे गोल हुइ नैसेकलपाछे खेल टाइब्रेकरमे गैल रहे । पोखरामे शनिच्चरके रोज हुइल फाइनल खेल अवलोकन करना दर्शकके घुइँचो लागल रहे । कोरोना संक्रमण जोखिमके कारण आयोजक यीआघेक सब खेलमे दर्शकहुकनहे प्रवेश डेहल नैरहे ।

मनाङ त्रिभुवन आर्मी क्लबहे जिटके फाइनलमे प्रवेश करले रहे कलेसे एपीएफ मछिन्द्र क्लबहे जिटके फाइनलमे प्रवेश करल हो ।

आहा रारा गोल्ड कपके ६ ठो उपाधि उचालसेकल मनाङ यीचो एपीएफहे पराजित करे नैसेकल । यीसँगे एपीएफके यी पहिलो उपाधि हो । साथे १४ वर्षपाछे पहिलचो फाइनलमे प्रवेश करल हो ।