अवैध सालके काठ बरामद
पहुरा |
१७ माघ २०७८, सोमबार
पहुरा समाचारदाता
धनगढी, १७ माघ । ईलाका प्रहरी कार्यालय सुगरखाल कैलालीसे खटल प्रहरी टोली जिल्ला कैलाली मोहन्याल गाउँपालिका–७ बडिगाउँस्थित सोल्टा चिसापानी सडक खण्डमे अवैध सालके काठ बरामद करले बा ।
मोहन्याल गाउँपालिका–७ बडिगाउँस्थित सोल्टा चिसापानी सडक खण्डमे कसेनीसे भे १ त ६४७९ नम्बरके ट्याक्टरमे चिसापानीओर अइटी रहल उ काठ बरामद करल जिल्ला प्रहरी कार्यालय कैलाली जनैले बा ।
सुर्खेत चौकुने गाउँपालिका–१० घाटगाउँ बैठना अन्दाजी वर्ष २० के चक्र बहादुर थापासे चलाइल भे १ त ६४७९ नम्बरके ट्याक्टरहे चेक जाँच कैना क्रममे उ ट्याक्टरमे सालके ७ फिटे कडी थान ४५ (२६.२५ क्यु.फिट ) बरामद करल जिल्ला प्रहरी कार्यालय कैलालीके प्रमुख विश्व अधिकारी जनैलै । उ ट्याक्टर ओ ट्याक्टर चालकहे आबश्यक कारवाहीके लाग सब डिभिजन वन कार्यालय चिसापानी कैलाली पठाइल बा ।
