सुदूरपश्चिममे ४१३ संक्रमित ठप्लैं
पहुरा समाचारदाता
धनगढी,१७ माघ । सुदूरपश्चिम प्रदेशमे सोम्मारके रोज ४ सय १३ जाने कोरोना भाइरसके संक्रमित ठपल बटै ।
सामाजिक विकास मन्त्रालय स्वास्थ्य निर्देशनालयसे डेहल जानकारी अनुसार पछिल्का २४ घण्टामे १ हजार ४ सय ४८ जानेक कोरोना परिक्षण करेबेर ४ सय १३ जनहनमे कोरोना संक्रमण पुष्टि हुइल हो । एन्टीजेन विधिसे १ हजार १ सय ३६ जानेक कोरोना परिक्षण करेबेर २ सय ६४ जनहनमे, ३ सय १२ जानेक आरटी पीसिर विधिसे परिक्षण करेबेर १ सय ४९ जनहनमे संक्रमण पुष्टि हुइल मन्त्रालय जनैले बा । यिहे अवधिमे १ सय ९४ जाने कोरोना मुक्त हुइलफे जनागिल बा ।
प्रदेशमे अब्बे आरटी पीसिआरके १ हजार ७ सय ३८ ओ एन्टीजेनके २ हजार ९ सय ६० जाने सक्रिय संक्रमित रहल बा । ओस्टेक सोम्मारके रोज सुदूरपश्चिम प्रदेशके टमान नाकासे ७ सय ६० जाने भिटरलमे ४६ जनहनमे संक्रमण डेखल बा ।
ओस्टेक पछिल्का २४ घण्टामे ५२९२ जनहनमे कोरोना संक्रमण पुष्टि हुइल बा । १६०८८ जनहनमे करल नमूना परीक्षणमे ५२९२ जनहनमे संक्रमण पुष्टि हुइल हो । स्वास्थ्य तथा जनसंख्या मन्त्रालयके अनुसार उहे समयावधिमे ८१९१ जाने ठिक हुके अस्पतालसे डिस्चार्ज हुइल बटै कलेसे ८ जानेक मृत्यु हुइल बा ।
मन्त्रालयके अनुसार यी बेला देशभर ७९२७२ जाने सक्रिय संक्रमित रहल बटै । २४ घण्टामे ३६६६०३ जाने कोरोना विरुद्धके खोप लगैले बटै ।
