अनलाइन नेटवर्किङसे ठगी करल आरोपमे ३ पक्राउ

दाङ, १८ माघ । दाङमे पैसा डबल हुइना कटि अनलाइन नेटवर्किङसे ठगी करल आरोपमे प्रहरी तीन जहनहे प्रक्राउ करले बा ।

अनलाइन नेटवर्किङसे १७ हजार ठगी करल कटि एकजाने पीडित प्रहरीमे उजुरी डहेल आधारमे तीन जहनहे पक्राउ करल जिल्ला प्रहरी प्रमुख सुरेश काफ्ल बटैलैं । पक्राउ पर्ना सब रोल्पा घर रहल घोराही बैठुइया रहल बटैं ।

तीनु जाने होटल सञ्चालक हुइट् । घटनाबारे थप अनुन्धान हुइटिरहल ओ पक्राउ पर्नाक्रम जारी रहल ओरसे उहाँहुकनके नाम गोप्य ढरल बा ।

पक्राउ परलहुक्रे दुई महिनामे पैसा डबल हुइना कटि प्रतिव्यक्ति १५ से १८ हजारसम हाइफर, साफिरलगायतमे लगानी करना कटि अनलाइन नेटिवर्किङसे अवैध कारोवार करटि आइल अनुसन्धानके क्रममे खुलल बा ।

उहाँक अनुसार पाछेक समय अनलाइनसे पैसा कमैना कटि भारी रकमके अवैध कारोबार हुइटिरहल बा ।