वैशाख ३० के लाग निर्वाचन मिति घोषणा करना सरकारके तयारी

काठमाडौं, माघ २४ । सरकार अगामी वैशाख ३० गते स्थानीय तहके निर्वाचन करना आयोगसँग थप परामर्श करले बा । मन्त्रिपरिषद्के सोम्मार बैठल बैठकमे निर्णय करनाआघे सरकार आयोगके पदाधिकारीहुकनसँग परामर्श करल हो ।

’सरकार वैशाख ३० गते निर्वाचन करे सेक्ना कहिके आयोगके अधिकारीहे पुछले रहे,’ आयोगके एक पदाधिकारी कलैं,’ हम्रे सेकब कना जवाफ डेलि । सायद सरकारसे यिहे निर्णय हुइ ।’

आयोग यीआघे जेठ ४ गते स्थानीय निर्वाचन मिति प्रस्ताव करले रहे । सञ्चामन्त्री ज्ञानेन्द्रबहादुर कार्की यीआघे स्थानीय तहके पदावधि नैओरैछि निर्वाचन करना बटैले रहैं ।