नागरिक उन्मुक्ति पार्टीसे समिति विस्तार

पहुरा समाचारदाता
धनगढी, २५ माघ । कैलालीके जोशीपुर गाउँपालिकामे रेशम चौधरीके नागरिक उन्मुक्ति पार्टीके समिति विस्तार हुइल बा । मंगर उ गाउँपालिकामे गाउँपालिका स्तरीय कार्यसमिति गठन करल बा ।

चित्रबहादुर चौधरीके संयोजकत्वमे ३१ सदस्यीय गाउँपालिका स्तरीय समिति गठन करल हो । जेकर उपसंयोजकमे जितराम डङगौरा, राजकुमारी चौधरी, सचिवमे रामबहादुर चौधरी, सहसचिवमे सुनिल चौधरी ओ कोषाध्यक्षमे सीतादेवी चौधरी चयन हुइल बटै ।

ओस्टेक, सदस्यमे जलुदेवी परियार, रामचन्दर चौधरी, छेदालाल चौधरी, नाथुराम कठरिया, मिनबहादुर नेपाली, रामबहादुर डङगौरा, हवलदार डङगौरा लगायत रहल उ पार्टीके नेता गंगा चौधरी जानकारी डेलै । रेशम चौधरी गोसिनीय रन्जिता श्रेष्ठ चौधरीके अध्यक्षतामे गठित नागरिक उन्मुक्ति पार्टीसे कैलालीके टीकापुर, भजनी, जोशीपुर नगरपालिकामे वडा स्तरीय कमिटी गठन कार्यहे तिव्रता डेहल बा ।

ओस्टेक करके सोम्मारके भजनी नगरपालिका वडा नं. ४ मे नागरिक उन्मुक्ति पार्टीके पहिल वडा भेला तथा वडा समिति गठन कैगिल बा ।

भजनी नगर अध्यक्ष घनश्याम चौधरीके अध्यक्षतामे हुइल वडा भेला तथा वडा कमिटी गठन कार्यक्रममे नागरिक उन्मुक्ति पार्टीके केन्द्रीय सदस्य केवल चौधरीके वडका पहुना रहिट । कार्यक्रममे केन्द्रीय सदस्य गंगाराम चौधरी, जिल्ला संयोजक कैलाश चौधरी लगायत शुभकामना मन्तव्य रख्ले रहिट ।

वडा भेलासे हरिराम चौधरीके संयोजकत्वमे ३१ सदस्यीय वडा समिति गठन हुइल बा । पछिल्का पटक नागरिक उन्मुक्ति पार्टीसे टमान वडामे अपन संगठन विस्तार करटी रहल ओ नागरिक उन्मुक्ति पार्टी दर्ता हुके संगठन विस्तार करे लागल बा ।