सेती प्रयोगशालामे थप २५ जनहनमे कोरोना पुष्टि

धनगढी, २६ माघ । धनगढीस्थित सेती प्रादेशिक अस्पतालमे करल परीक्षणमे थप २५ जनहनमे कोरोना पुष्टि हुइल बा । पाछेक २४ घण्टामे ६८ नमुना परीक्षण करेबर थप २५ जनहनमे संक्रमण पुष्टि हुइल अस्पतालके सूचना अधिकारी दिलीपकुमार श्रेष्ठ जानकारी डेलै । ओस्टके २४ घण्टामे ७ जाने चोखाके घर गैल बाटै ।

हाल अस्पतालमे १६ संक्रमित विरामी उपचाररत बाटै । उ मध्ये एक जनहनके आइसियु ओ ३ जनहनके भेन्टिलेटरमे उपचार हुइटी रहल सूचना अधिकारी श्रेष्ठ जानकारी डेलै ।

ओस्टके सेती प्रादेशिक अस्पतालमे उपचाररत एक जाने कोरोना संक्रमितके मृत्यु हुइल बा । प्रादेशिक अस्पतालके कोभिड अस्थायी अस्पतालमे उपचाररत कञ्चनपुरके भीमदत्त नगरपालिकाके ७४ वर्षीय पुरुषके बुुधके सकारे मृत्युु हुइल हो । उ पुरुषकेमे कोरोना डेखलपाछे माघ १९ गते अस्पताल भर्ना हुइल रहिट ।