खाद्यसे अर्धवार्षिक प्रगति सार्वजनिक

पहुरा समाचारदाता
धनगढी, २९ माघ । खाद्य प्रविधि तथा गुण नियन्त्रण कार्यालयसे आर्थिक बर्ष २०७८÷७९ के दुसरा त्रैमासिक तथा अर्धवार्षिक प्रगति सार्वजनिक करले बा ।

उ कार्यालयसे शुकके रोज कार्यक्रमके विच दुसरा त्रैमासिक तथा अर्धवार्षिक प्रगति सार्वजनिक करल हो । खाद्य प्रविधि तथा गुण नियन्त्रण कार्यालयके प्रमुख नवराज दाहाल ६ महिनामे १५ लाख ७८ हजार ७० रुप्या राजश्व संकलन करल बटैलै । ओस्टेक प्रयोगशालामे प्राप्त नमूना विश्लेषण दस्तुर वापत दुसरा त्रैमासिकमे ९ लाख ८५ हजार ६ सय ३० रुप्या राजश्व संकलन करल उहाँ जनैलै ।

दुसरा त्रैमासिक अवधिमे यी कार्यालयसे ३५ ठो खाद्य उद्योग ओ २ ठो दाना उद्योग सिफारिस करल बा । २३ ठो नयाँ खाद्य उद्योगके ओ १ ठो नयाँ दाना उद्योगके अनुज्ञापत्र (गुणस्तर लाइसेन्स) जारी करल बा । कलेसे ६३ ठो खाद्य उद्योगके अनुज्ञापत्र सालवसाली नविकरण करल बा । यी आ.व २०७८÷७९ के ६ महिनामे ८३ ठो खाद्य उद्योग ओ ३ दाना उद्योग सिफारिस करल, ४६ लौवा खाद्य उद्योग ओ एक ठो लौवा उद्योगहे अनुज्ञापत्र जारी करल, १९० खाद्य ओ दुई दाना उद्योगके अनुज्ञापत्र नविकरण करल प्रमुख दाहाल जनैलै ।

दुसरा त्रैमासिक अवधिमे बजारमे विक्री हुइना ओ होटल रेस्टुरेन्टमे तयार कैना प्रदार्थके स्वच्छता ओ गुणस्तर नियमन ओर संयूक्त टोलीमार्फत ३ चो ओ खाद्य निरिक्षक मार्फत १५ चो खाद्य बजारके अनुगमन करल, ४ चो होटल रेस्टुरेन्टके अनुगमन करल बा ।

ओस्टेक उ कार्यालयसे ६ महिनामे संयूक्त टोलीमार्फत ६ चो ओ खाद्य निरिक्षक मार्फत ३५ चो खाद्य बजारके ओ ८ चो होटल रेस्टुरेन्टके अनुगमन करल बा । अनुगमनके क्रममे गुणस्तरहिन खाद्य बस्तु जफत करके नष्ट कैना आवश्यक कार्वाही प्रक्रिय आघे बढाके नियमन कार्य करल जनागिल बा ।

दुसरा चौमासिक अवधिमे यी कार्यालयसे ३४ ठो खाद्य ओ २ ठो दाना नमूना ओ ६ महिनाके अवधिमे ४७ ठो खाद्य ओ २ ठो नमूना संकलन करके कार्वाही प्रक्रिया आघे बढाइल खाद्य प्रविधि तथा गुण नियन्त्रण कार्यालयके प्रमुख दाहाल बटैलै ।

सुदूरपश्चिम क्षेत्रके ९ जिल्लामे टमान स्रोतसे संकलन हुई आइल खाद्य तथा दाना नमूनाके विश्लेषण सेवा प्रदान कैना एक ठो केल प्रयोगशाला यी कार्यालयमे रहल बा । दुसरा त्रैमासिक अवधिमे खाद्य तथा दाना अनुज्ञापत्र जारी तथा नविकरणके लाग संकलित २८९, अनुरोध हुके आइल १३, ऐन बमोजिम निरिक्षकसे संकलित १५८ ओ बजार अनुगमनसे संकलित १२ करके जम्मा ४ सय ७२ ठो नमूना विश्लेषण करल बा कलेसे यी आ.व.के ६ महिनामे खाद्य तथा दाना अनुज्ञापत्र जारी तथा नविकरणके लाग संकलित ८३९, अनुरोध हुके आइल २९, ऐन बमोजिम निरिक्षकसे संकलित १९५ ओ बजार अनुगमनसे संकलित १४ करके जम्मा १ हजार ठो नमूना विश्लेषण करल बा ।

खाद्य तथा दाना ऐन अनुरुप संकलन करल नमुनामन्से प्रतिकुल पाइल जम्मा २८ नमूनाके कार्वाही प्रक्रिया आघे बढाइल बा । यी क्रममे उद्योगी व्यवसायीहुकनसंग बयान लेना, सरकारी वकिलसे राय लेना ्कार्य आघे बढटी रहल बा कलेसे यी अवधिमे २ ठो नमून उप्पर जिल्ला प्रशासन कार्यालयमे मुद्दा दायर करल बा ।

खाद्य प्रविधि तथा गुण नियन्त्रण कार्यालय गैल कार्तिक १ गतेसे कैलाली कञ्चनपुर भन्सार कार्यालयसे यी कार्यालयमे टिना तथा फलफुलमे विषादी परिक्षण सुरु करले बा । यी क्रममे ३ महिनो २ हजार १ सय ३३ नमूनाके विश्लेषण सेवा प्रदान करल प्रमुख दाहाल बटैलै ।

ओस्टेक कार्यक्रममे डडेल्धुरा शाखा कार्यालयके प्रमुख गणेशदत्त जोशी ओ डोटी शाखा कार्यालयके प्रमुख सागर दाहाल अपन कार्यालयमे ६ महिनामे हुइल प्रगतीबारे जानकारी डेहल रहिट । ओस्टेक बैतडी शाखासे कैगिल प्रगतीबारे जानकारी डेहल रहे ।

खाद्य प्रविधि तथा गुण नियन्त्रण कार्यालयके प्रमुख नवराज दाहालके अध्यक्षतामे हुइल कार्यक्रममे नेपाल पत्रकार महासंघ कैलालीके अध्यक्ष हिमालय जोशी, उपभोक्त हकहित संरक्षण मञ्च प्रदेश सचिव भोजराज जोशी लगायत मन्तव्य व्यक्त करले रहिट । कार्यक्रमके संचालन खाद्य निरिक्षक सरोज पौडेल करले रहिट ।