लागूऔषधसहित तीन जाने पक्राउ

पहुरा समाचारदाता
धनगढी, २९ माघ । कैलालीमे लागुऔषधसहित तीन जाने युवक पक्राउ परल बाटै ।

जिल्लाके धनगढी उपमहानगरपालिका ३ सहिद गेटसे तीनजाने युवक ८८ ट्याब्लेट नाईट्रोभेट ओ २८ ट्याब्लेट स्पाससहित पक्राउ परल हुइट । बोराडाँडी ओर जैटी रहल ध.उ.म.न.पा. ६८६ नम्बरके अटोमा चेकजाँच करेबर चालकके सिटटरे लुका छिपाके ढारल अवस्थामे लागुऔषध भेटल जिल्ला प्रहरी कार्यालय कैलाली जनैले बा ।

पक्राउ परुइयामे अटो चालक धनगढी ३ के अन्दाजी २१ वर्षीय एकेन्द्र बिष्ट, उहे ठाउँके २० वर्षीय सुरेन्द्र कोली ओ प्रकाश बिक रहल बाटै । उहाँ तीनु जनहनहे नियन्त्रणमे लेके लागुऔषध मुद्दामे थप अनुसन्धान हुइटी रहल जिल्ला प्रहरी कार्यालय कैलालीके प्रबक्ता वेदप्रकाश जोशी जानकारी डेलै ।