खप्तड ओ बडिमालिका क्षेत्र प्रवर्द्धनके लाग हेलि टुर
धनगढी, १ फागुन । नेपाल पर्यटन बोर्डके प्रवर्द्धनमे सुदूरपश्चिमके बडिमालिका क्षेत्रके प्रवद्र्धनके लाग हेलि टुर आयोजना हुइल बा ।
इहे फागुन १ गतेसे १० दिनके लाग पहिल चरणमे टमान प्याकेजसहित टुरके आयोजना करल नेपाल एशोसिएसन अफ टुर एण्ड ट्राभल एजेन्ट्स ९नाटा० सुदूरपश्चिम जानकारी डेले बा ।
बोर्डसँगे सुदूरपश्चिम प्रदेश सरकार ओ खप्तड राष्ट्रिय निकुञ्ज प्रवर्द्धक तथा नेपाल एशोसिएसन अफ टुर एण्ड ट्राभल एजेन्ट्स (नाटा) सुदूरपश्चिम प्रदेश, माउण्टेन हेलिकप्टर ओ उद्योग वाणिज्य महासंघ, सुदूरपश्चिम तथा होटल व्यवसायी महासंघ सुदूरपश्चिमके सहकार्यमे टुर आयोजना हुइल हो ।
उक्त टुरमे खप्तड दिपायल, झिग्राना खप्तड, धनगढी ओ महेन्द्रनगरसे झिग्राना, दिपायल बडिमालिका, दिपायल खप्तड बडिमालिका ओ साफेबगर बडिमालिका लगायत स्थानसे अवलोकन करे जैना व्यवस्था मिलाइल बा । यात्रुहुक्रनहे स्थानके हिसाबसे १२ हजारसे ४० हजारसमके प्याकेज उपलब्ध कराजैना आयोजक जानकारी डेले बा ।
नेपाल पर्यटन बोर्डके सदस्य कृष्ण शाह आर्थिक विकासके लाग आन्तरिक पर्यटनहे चलायमान बनैना आवश्यक रहल कहटी कोरानासे सुस्ताइल पर्यटनहे चलायमान बनैना इ कार्यक्रम सहयोगी हुइना बटैलै । बोर्डके वरिष्ठ निर्देशक हिक्मतसिंह ऐर सुदूरपश्चिम प्रदेश भारतके टमान शहरसँग जोरल ओरसे इ कार्यक्रममे भारतीय पर्यटकहे समेत लाने सेकजैना बटैलै ।
नाटाके केन्द्रीय अध्यक्ष अच्युत गुराँगाई सुदूरपश्चिम प्रदेश पर्यटनके लाग ‘भर्जिन ल्याण्ड’ रहल उल्लेख कैटी इ कार्यक्रमसे उ क्षेत्रके पर्यटन प्रवद्र्धनमे सहयोग पुग्ना धारणा रख्लै । ओस्टके नाटा सुदूरपश्चिम प्रदेशके सल्लाहकार नरेन्द्रदेव भट्ट सुदूरपश्चिम प्रदेशमे पर्यटनके प्रचूर सम्भावना रहल ओरसे आर्थिक विकासके लाग ओकर प्रवर्द्धन कैना आवश्यक रहल बटैलै ।
