प्रधानन्यायाधीश जबराविरुद्ध महाअभियोग दर्ता
काठमाडौं, १ फागुन । प्रधानन्यायाधीश चोलेन्द्रशम्शेर जबराविरुद्ध संसदमे महाअभियोग दर्ता हुइल बा । सत्तारुढ पाँचदलीय गठबन्धनके सांसदहुक्रे आज बिहान ११ बजके १० मिनेटमे संसद सचिवालयमे महाअभियोग प्रस्ताव दर्ता करल बटैं ।
काँग्रेस, नेकपा माओवादी केन्द्र, नेकपा एकीकृत समाजवादीसहितके ९८ सांसदके हस्ताक्षरसहित प्रधानन्यायाधीशविरुद्ध आज बिहान संसद सचिवालयमे महाभियोग प्रस्ताव दर्ता हुइल हो । अभियोगपत्रमे कांग्रेस सचेतक पुष्पा भुसाल, नेकपा माओवादी केन्द्रके सचेतक देव गुरुङ ओ नेकपा एकीकृत समाजवादीके सांसद जीवनराम श्रेष्ठ प्रस्ताव करले बटैं कलेसे उ प्रस्तावमे ९८ सांसदके हस्ताक्षर बा ।
प्रधानन्यायाधीशसे न्यायपालिकाके मर्यादामे आँच पुगाइल, व्यक्तिगत स्वार्थमे लागल आरोप महाभियोग प्रस्तावमे जिकिर करल बा । जबराके राजीनामा माग करटि नेपाल बार एशोसिएसन लम्मा समयसे आन्दोलन करटि आइल बा ।
