अर्गानिक तरकारी खेतीके उपलब्धी अनुगमन
पहुरा समाचारदाता
हसुलिया, ६ फागुन । सामाजिक सेवा अध्ययन केन्द्र धनगढीके अयोजनमे सञ्चालित महिला सशक्तीकरण तथा दिगो जिविकोपार्जनके लाग करल कृषिखेतीके कैलारी गाउँपालिका वडा नम्बर २ ओ ७ मे अनुगमन करल बा ।
समुदायके किसान तथा महिलाहुकनके आयआर्जन वृद्धिके लाग जैविक खेती प्रणाली ओ उत्पादित वस्तुके बजारीकरणसम्बन्धी हरियाली सामुदायिक कृषि तथा ऋण सहकारी तथा महिला संजाल, डौनाबेबरी समूह, जनचेतना कृषि तथा ऋण सहकारी, कृषकबारी अवलोकन ओ अर्गानिक समूहमे अनुगमन करल हो ।
सामाजिक सेवा अध्ययन केन्द्र्रके आर्थिक सहयोगमे सहकारीहे लेखा तालिम, सहकारी व्यवस्थापन तालिम ओ सहकारी विश्लेषणमे टेवा पुगल बा । कृषक समूहहे विउविजन ओ अर्गानिक तरकारी खेती करना तरिकाके उपलब्धी अनुगमन करल बा ।
अनुगमनमे कैलारी गाउँपालिकाके अध्यक्ष लाजुराम चौधरी, उपाध्यक्ष तथा अनुगमन समितिके संयोजक लक्ष्मी सत्गौंवा, कार्यपालिका तथा अनुगमन समिति सदस्य रन्जिता चौधरी, अनुगमन समिति सदस्य खडक विक, सूचना शाखा प्रमुख यगम कलेल, महिला बालबालिका शाखा प्रमुख बानलकुमारी चौधरी, कृषि शाखा प्रमुख मैया चौधरी, वडाध्यक्ष सन्तुराम चौधरी, सामाजिक सेवा अध्ययन केन्द्रके परियोजना अधिकृत केशवराज घिमिरे, संयोजक भक्तबहादुर खाती ओ कृषि प्राविधिक सुनिता चौधरीलगायतके सहभागिता रहल रहे ।
