निर्वाचन अधिकारी भट्ट पुरस्कृत

पहुरा समाचारदाता
धनगढी, ८ फागुन । छैठौँ निर्वाचन दिवसके अवसरमे सुदूरपश्चिम प्रदेशके निमित्त निर्वाचन अधिकारी प्रेमराज भट्ट पुरस्कृत हुइल बटै ।

कैलाली निर्वाचन कार्यालय प्रमुखसंगै प्रादेशिक कार्यालयके निमित्त प्रमुखके जिम्मेवारीफे सम्हरटी आइल भट्टहे निर्वाचन आयोगसे उत्कृष्ट कार्य सम्पादन करल कहटी उत्कृष्ट कर्मचारी पुरस्कार प्रदान करल हो ।

निर्वाचन सञ्चालन तथा व्यवस्थापनमे उत्कृष्ट काम करल कहटी निर्वाचन आयोगसे भट्टहे नगद १० हजारसहित प्रशंसा पत्र प्रदान करले बा ।

भट्ट अपन सिङगोे टिमसे कार्य सम्पादनके क्रममे सफलता मिलल ओ पुरस्कारसे अपनहे कार्य सम्पादनमे उच्च हौसला प्रदान कैनाके साथे थप जिम्मेवार, जबाफदेही ओ उत्तरदायी बनाइल बटैटी प्रमुख निर्वाचन आयुक्त लगायत सक्कुहुनमे हार्दिक धन्यवाद तथा आभार प्रकट करले बटै ।