प्रदेश सरकारके ६ महिनाके खर्च १३.४२ प्रतिशत
पहुरा समाचारदाता
धनगढी, ८ फागुन । सुदूरपश्चिम प्रदेश सरकार चालु आर्थिक बर्ष २०७८/२०७९ सालके ६ महिनामे कुल विनियोजित बजेटके १३.४२ प्रतिशत केल खर्च करले बा ।
सुदूरपश्चिम प्रदेशके आन्तरिक मामिला मन्त्रालयसे अँटवारके रोज धनगढीमे चालु आर्थिक बर्ष २०७८/२०७९ के बजेटके अर्धबार्षिक मूल्यांकनके सक्षिप्त विवरण प्रस्तुत करटी ६ महिनाके अवधिमे ओटरा खर्च हुइल जनैले बा ।
चालु आर्थिक वर्ष २०७८/२०७९ सालके लाग चालुओर १२ अर्ब ३८ करोड ५४ लाख ३ हजार, पुँजीगत ओर १७ अर्ब ६५ करोड, ४० लाख ५२ हजार ओ ३० करोड वित्तीय व्यवस्था करके कुल विनियोजित ३० अर्ब ३३ करोड ९४ लाख ५५ बजेट मन्से ४ अर्ब ७ करोड २२ लाख ३३ हजार केल खर्च करे सेकल सुदूरपश्चिम प्रदेशके आन्तरिक मामिला मन्त्री तारा लामा तमाङ जनैलै ।
चालु ओर १२ अर्ब ३८ करोड ५४ लाख ३ हजार रकम विनियोजन हुइलमे २ अर्ब, ५० करोड १ लाख ६१ हजार रुप्या खर्च हुइल बा । पुँजीगत ओर १७ अर्ब ६५ करोड, ४० लाख ५२ हजार रकम विनियोजन करलमे १ अर्ब ५७ करोड २० लाख ७२ हजार रुप्या केल खर्च हुइल बा । ओस्टेक वित्तीय व्यवस्था ओर ३० करोड विनियोजन हुइलमे अक्कोफे खर्च नइहुइल आन्तरिक मामिला मन्त्री तमाङ जनैलै ।
प्रदेशके मन्त्रालयगत खर्च प्रगति
सुदूरपश्चिम प्रदेशके मन्त्रालयगत खर्च हेरेबेर सबसे कम मुख्यमन्त्री तथा मन्त्री परिषदके कार्यालयसे विनियोजित बजेट मन्से ३.९४ प्रतिशत केल खर्च करल डेखल बा । यी मन्त्रालयमे चालु ओ पुँजीगत करके १ अर्ब ४५ करोड २ लाख २४ हजार कुल विनियोजन हुइलमे ५ करोड ७२ लाख ११ हजार रुप्या केल खर्च हुइल बा । कलेसे सबसे ढेर आन्तरिक मामिला तथा कानून मन्त्रालय २४.२७ प्रतिशत खर्च करले बा । यी मन्त्रालयमे चालु ओ पुँजीगत ओर करके ४२ करोड ८५ लाख ६६ हजार बजेट विनियोजन करलमे १० करोड ३९ लाख ९७ हजार रुप्या खर्च कैना सफल हुइल बा ।
ओस्टेक आर्थिक मामिला मन्त्रालय १०.६९ प्रतिशत खर्च करले बा । यी मन्त्रालयमे चालु ओ पुँजीगत ओर करके ३० करोड ३३ लाख २३ हजार बजेट विनियोजन करलमे ३ करोड २४ लाख २८ खर्च करले बा । उद्योग पर्यटन वन तथा वातावरण मन्त्रालय २१.३२ प्रतिशत बजेट रकम खर्च करले बा । यहाँ चालु ओ पुँजीगत करके २ अर्ब ११ करोड ३८ लाख ४१ हजार बजेट विनियोजन करलमे ४५ करोड ५ लाख ९५ हजार रुप्या खर्च करले बा ।
भूमि व्यवस्था कृषि तथा सहकारी मन्त्रालयसे १२.१२ प्रतिशत खर्च करले बा । यी मन्त्रालयमे चालु ओ पुँजीगत ओर करके २ अर्ब ८३ करोड ५६ लाख ५६ हजार बजेट विनियोजन करलमे ३४ करोड ३५ लाख ४८ हजार खर्च हुइल बा ।
ओस्टेक भौतिक पूर्वधार विकास मन्त्रालयसे कुल विनियोजित बजेट मन्से ९.९३ प्रतिशत रकम खर्च करले बा । यी मन्त्रालयसे ११ अर्ब ७५ करोड ८३ लाख ८१ हजार रुप्या बजेट विनियोजन करलमे १ अर्ब १६ करोड ७१ लाख ५ हजार रुप्या खर्च हुइल बा ।
सामाजिक विकास मन्त्रालय २१.२१ प्रतिशत बजेट खर्च करले बा । यी मन्त्रालयमे चालु ओ पुँजीगत ओर करके ५ अर्ब ८८ करोड ५९ लाख ४ हजार बजेट विनियोजन करलमे १ अर्ब २४ करोड ८४ लाख ६७ हजार खर्च करले बा ।
प्रदेश अर्न्तगत टमान निकायके खर्च प्रगति
ओस्टेक करके प्रदेशके टमान निकायके खर्च प्रगति विवरणफे सार्वजनिक कैगिल बा । जेम्ने प्रदेश व्यवस्थापिकाके खर्च ३२.०१ प्रतिशत, प्रदेश लोकसेवा आयोगके २३.४७ प्रतिशत, प्रदेश नीति तथा योजना आयोगके ३५.२३ प्रतिशत, स्थानीय तहके ३३.३७ प्रतिशत करके कुल (१३.४२ प्रतिशत) ४ अर्ब ७ करोड २२ लाख ३३ हजार केल खर्च हुइल सुदूरपश्चिम प्रदेशके आन्तरिक मामिला मन्त्री तमाङ जनैलै ।
रणनीतिक स्तम्भके आधारमे खर्चके स्थिति
आर्थिक बर्ष २०७८/०७९ के पहिल ६ महिनाके रणनीतिक स्तम्भके आधारमे खर्चके स्थिति हेरेबेर आर्थिक बृद्धिओर ७ अर्ब ६७ करोड १६ लाख ६० हजार विनियोजन करलमे १ अर्ब ७ करोड ५५ लाख ५७ हजार (१४.०२ प्रतिशत) खर्च हुइल बा । स्वास्थ्य तथा शिक्षा ओर ८ अर्ब ५५ करोड १ लाख २६ हजार रुप्या विनियोजन करलमे १ अर्ब १० करोड ७३ लाख ८३ हजार (१२.९५ प्रतिशत) खर्च हुइल बा ।
अन्तर आवद्धता ओ शहरी विकास ओर ६८ करोड ९८ लाख ४५ हजार विनियोजन हुइलमे १४ करोड ३६ लाख ६४ हजार (२०.८३ प्रतिशत) खर्च हुइल बा । उत्पादन ओ उत्पादकत्व अभिबृद्धि ओर ५ अर्ब १६ करोड ४५ लाख ७६ हजार विनियोजन करलमे १९ करोड ५६ लाख ५९ हजार (३.७९ प्रतिशत) खर्च हुइल बा । सामाजिक सुरक्षा तथा संरक्षण ओर ५ अर्ब ८३ करोड ४५ लाख ८ हजार विनियोजन करलमे १ अर्ब २८ करोड ३७ लाख ८६ हजार (२२.०० प्रतिशत) खर्च हुइल बा । गरिबी निवारण ओ न्यायपूर्ण समाज ओर १ करोड ४ लाख बजेट विनियोजन करलमे १ लाख रुप्या (०.९६ प्रतिशत) केल खर्च हुइल बा ।
प्राकृतिक स्रोत तथा उत्थानशिलताओर ६८ करोड ४९ लाख ६६ हजार बजेट विनियोजन करलमे १२ करोड ६३ लाख ७४ हजार (१८.४५प्रतिशत) खर्च हुइल बा । सुशासन, प्रादेशिक सन्तुलन ओ राष्ट्रिय एकता ओर १ अर्ब ५३ करोड ७३ लाख ७३ हजार बजेट विनियोजन करलमे ७ करोड ८९ लाख ९१ हजार (५.१४ प्रतिशत) खर्च हुइल बा । ओस्टेक साधारण प्रशासनओर १९ करोड ५९ लाख ८१ हजार बजेट विनियोजन करलमे ६० करोड ७१ लाख ९ हजार केल खर्च करे सेकल बा । अर्थमन्त्री तारा लामा तामाङ गैल बरसमे ६ महिनामे यिहीसे कम खर्च हुइटी रहलेसेफे यी बरस भर ढेर खर्च प्रगति हुइल जनैलै ।
सुदूरपश्चिम प्रदेश सरकार ६ महिनाके अवधिमे ७१ करोड २९ लाख ३८ हजार (६५.८३ प्रतिशत) राजश्व संकलन कैले बा । बार्षिक लक्ष्यभर १ अर्ब ८ करोड ३० लाख २१ हजार रख्ले बा । (बाँकी ३ पेजमे) कोभिड–१९ रोकथाम, नियन्त्रण ओ व्यवस्थापनके लाग सामाजिक विकास मन्त्रालय तथा मातहतके कार्यालयमे रु ३० करोड विनियोजन हुइल बा । उहे प्रयोजनके निम्ति अर्थ विविध (भैपरी अइना चालु शीर्षक) मे रु ५० करोड धारल जनागिल बा ।
कोभिड–१९ से अर्थतन्त्रम पारल प्रभावके सन्दर्भमे अलगे अध्ययन नइहुइल ओ वित्त व्यवस्थापन नइकरल, हालसाले सीएमसीसी से कोभिड–१९ रोकथाम, नियन्त्रण ओ व्यवस्थापन कैना सन्दर्भमे प्रदेश सरकारसे पर्ना करके हुइल निर्णय अनुसारके बजेट व्यवस्थापन कैना कठिन हुइल मन्त्री तामाङ जनैलै ।
