कैलारीमे उत्तर प्रसूति स्वास्थ्य सामग्री वितरण

पहुरा समाचारदाता
हसुलिया, ११ फागुन । कैलारी गाउँपालिकाके ४ ठो वडामे उत्तर प्रसूति अवस्थामे स्वास्थ्य प्रवन्धनके लाग स्वास्थ्य सामग्री वितरण करल बा ।

ब्याक वार्ड सोसाइटी एजुकेशन (बेस) से सञ्चालित कोभिड–१९ से प्रभावित सामुदायके लाग पुनरोत्थान परियोजना अन्तर्गत बुधके रोज एक कार्यक्रम कैके उ समाग्री वितरण करल हो ।

परियोजना अन्तर्गत कैलारी गाउँपालिकाके समन्वयमे वडा नम्बर १ मे ४, २ मे २,४ मे ८ ओ ७ मे ४ जहन कैके १८ जहनहे पाँच हजार रुपियाँ बराबरके समान चामल, अण्डा, दाल, घ्यु, तेल, नोन, सर्फ, साबुन, बच्चाके कपडा, म्याक्सीलगायत समान वितरण करल स्वास्थ्य प्राविधिक मिनराज आचार्य जनकारी डेलैं ।