बमके प्यानल घोषणा

पहुरा समाचारदाता
धनगढी, ११ फागुन । नवजीवन सहकारी सस्थाके यिहे फागुन २८ गते हुइना निर्वाचनके लाग देवबहादुर बम समूह बुधके रोज अपन प्यानल घोषणा करले बा ।

नयाँ नेतृत्वके लाग देवबहादुर बम ओ रतन कठायत प्यानलसहित चुनावी मैदानमे उटरल बटै । बम समूहके उपाध्यक्षमे भरतराज जोशी रहल बटै । ओस्टेक सदस्यमे ईन्दिरा जैशी, गोपालराज पाठक, गोमा अधिकारी, घनबहादुर शाह, पदमराज सापकोटा, प्रकाश जोशी, डा महेशराज बिष्ट रहल बटै ।

ओस्टेक, और सदस्यमे माधव चौधरी, रबी कुँवर, विश्वनाथ ओझा, शिवकुमार फुलारा रहल बटै । उहे समूहसे लेखा समितिमे मदनराज ओझा, गणेशप्रसाद उपाध्याय ओ सरस्वती कोली उम्मेदवार बनल बटै । घोषणा सभामे बोल्टी अध्यक्षके उम्मेदवार बम संस्थाहे नयाँ उचाईमे पुगैना अपन समूूहके उम्मेदवारी रहल बटैलै ।

उहाँ अपन समूहहे सक्कु पार्टी, संघसंस्था ओ सक्कु शेयर सदस्यके समर्थन रहल जिकिर करलै । सुदूरपश्चिम प्रदेशके अग्रणी संस्था नवजीवन सहकारी २०५० सालमे ९ जाने शेयर सदस्यसे शुरु करल हुइट । हाल संस्थाके झन्डे ३० हजार शेयर सदस्य रहल बटै ।