धनगढीमे सुजुकी शो रुम सञ्चालनमे
पहुरा समाचारदाता
धनगढी, ११ फागुन । धनगढीमे सुजुकी शो रुम सञ्चालनमे आइल बा । धनगढी उपमहानगरपालिका वडा नम्बर १३ के राजपुरमे सुविधा सम्पन्न सुजुकी शो रुम सञ्चालनमे लानल हो ।
उ शो रुमके बुधके एक कार्यक्रमके बिच सिजी होल्डिङ्सके अध्यक्ष अरुण कुमार चौधरी ओ धनगढी उपमहानगरपालिकाके नगरप्रमुख नृप बहादुर वड संयुक्त रुपमे उद्धघाटन करल हुइट ।
इ क्षेत्रके ग्राहकहुक्रनके मागहे मध्यनजर कैटी व्यवसायी पुष्पराज ओझा शो रुम सञ्चालनमे लानल हुइट । इहे बिच ‘सुजुकी सेलेरियो’ कार सार्वजनिक करल बा । बुधके सिजी मोटोकर्पके धनगढीके लाग आधिकारिक विक्रेता प्राप्ती मोटोक्रपमे सबसे ढिउर इन्धन प्रभावकारी कार सेलेरियोके लावा मोडल सार्वजनिक करल हो ।
सिजी होल्डिङ्सके अध्यक्ष चौधरी ओ धनगढी उपमहानगरपालिकाके नगरप्रमुख वड संयुक्त रुपमे सेलेरियोके लावा मोडल कारहे सार्वजनिक करल हुइट ।
नयाँ सेलेरियोमे अतुलनीय ड्राइभिङ अनुभव, नयाँ थ्रीडी अर्गानिक स्कल्प्टेड डिजाइन, फस्र्ट–इन–सेगमेन्ट सुरक्षा लगायतके विशेषता रहल कम्पनी जनैले बा । ओस्टके नयाँ सेलेरियोहे आरामके लाग ऊर्जावान् ओ चाकर केबिनके फेन डिजाइन करल जनाइल बा । स्वीपिङ क्यारेक्टर लाइन ओ अर्गानिक स्कल्प्टेड थ्रीडी इन्स्टुमेन्ट प्यानलसे नयाँ सेलेरियाहे फरक अनुभूति डेहे खोजल बा ।
ओजरार क्रोम एक्सेन्टसहितके ट्विन स्लट सेन्टर, एसी भेन्टिलेसन, बोल्ड ब्यारेल–थिम साइड एयर भेन्ट्ससे भित्री डिजाइनहे थप आकर्षक बनाइल कम्पनी जनैले बा । सुजुकीके एडभान्स हार्टटेक्ट प्लेटफर्ममे बनल नयाँ सेलेरियोसे अत्यधिक सुरक्षा प्रदान कैना कम्पनीके दाबी रहल बा । ओस्टके, सेलेरियोमे रमाइलो ओ आरामदायी यात्रा अनुभवके लाग सात इन्चके स्मार्ट प्ले स्टुडियो इन्फोटेनमेन्ट सिस्टमसमेत जडान करल बा ।
सेलेरियोके मूल्य २७ लाख ९९ हजारसे ३१ लाख ९९ हजार रुपियाँसम पर्ना कम्पनी जनैले बा । कम्पनीके अनुसार सेलेरिया भीएक्सआईके मूल्य २७ लाख ९९ हजार रुपियाँ रहल बा । ओस्टके, सेलेरियो जेटएक्सआईके मूल्य २९ लाख ९९ हजार ओ सेलेरियो जेटएक्सआई प्लसके मूल्य ३१ लाख ९९ हजार रुपियाँ तोकल बा ।
