बन्दुक सहित तीन जे पक्राउ
पहुरा समाचारदाता
धनगढी, १२ फागुन । कैलालीमे सशस्त्र प्रहरीसे बन्दुक सहित तीन जनहनके पक्राउ करले बा ।
सशस्त्र प्रहरी बल ३४ गण हेटक्वाटर कैलाली अन्तरगत बिओपी छोटिपलियासे खटल टोली कैलारी–५ छोटीपलियामे बाह्रबोर बन्दुक सहित ५ थान टोटारकार्टिज बरामद करल हो ।
सशस्त्र प्रहरीके गस्ती टोली बिफेक सकारे कैलारी ३ बैठना लौटन चौधरी, बिरेन्द्र चौधरी ओ सन्तराम चौधरीहे बन्दुक सहित मोटरसाईकल नियन्त्रणमे लेहल सशस्त्र प्रहरी बल ३४ गण हेटक्वाटर कैलालीके प्रमुख प्रहरी उपरीक्षक धनबहादुर सिंह जानकारी जानकारी डेलै ।
टोलीसे अनुशन्धानके क्रममे चेकजाँच कैना क्रममे ओइनसे कागजात नइरहल पक्राउ करके ईलाका प्रहरी कार्यलय हसुलियामे बुझैना सशस्त्र प्रहरी बल ३४ गण हेटक्वाटर कैलालीके प्रमुख प्रहरी उपरीक्षक सिंह जानकारी डेलै । ओइन थेनसे बन्दधुक, ५ थान टोटारकार्टिज ओ तीन थान मोवाईल बरामद करल सशस्त्र प्रहरी जनैले बा ।
