एमसीसी अनुदान परियोजना हो, संसदसे पारित हुईः मन्त्री चौधरी

पहुरा समाचारदाता
धनगढी, १३ फागुन । संघीय खानेपानी मन्त्री उमाकान्त चौधरी एमसीसी विशुद्ध अनुदान परियोजना रहल ओरसे प्रतिनिधिसभासे पारित हुइना बटैले बटै ।

प्रेस युनियन कैलालीसे शुकके रोज धनगढीमे आयोजना करल पत्रकार सम्मेलनमे बोल्टी चौधरी एमसीसीबारे सिर्जना भ्रम सत्य नइरहल बटैटी राष्ट्रके हितमे रहल जनैले बटै ।

सरकारसे मुलुकके समृद्धि ओ गरिबी निवारणके लाग काम करटी रहल उल्लेख करटी चौधरी एमसीसीफे गरिबी निवारणके लाग नानल परियोजना रहल ओरसे भ्रममे नइपर्ना आग्रह करले बटै ।

एमसीसीके कारण सत्तारुढ गठबन्धन टुट्न अवस्थामे पुगल ओ नेपाली काँग्रेससे प्रमुख प्रतिपक्षी दल एमालेसंग सहकार्य कैना विषयमे उहाँ लोकतन्त्रमे सक्कु विकल्प सम्भव हुइना जनैलै ।