खैरो हिरोईनसहित एक पक्राउ

पहुरा समाचारदाता
धनगढी,१३ फागुन । कैलालीके धनगढी उपमहानगरपालिका वडा नं. ३ मिलनचोक, प्रगतीटोल एक जाने खैरो हिरोईनसहित एक जाने पक्राउ परल बटै ।

विफेक रोज साँझके साढे बजे धनगढी उपमहानगरपालिका वडा नं. ३ मिलनचोक, प्रगतीटोलस्थित डेरा कैके बैठना प्रेमा चौधरीके कोठामे धनगढी–२ सन्तोषी टोल बैठना बर्ष ३१ के मनोज जोशीके साथमे लागुऔषध बा कना विशेष सूचनाके आधारमे जिल्ला प्रहरी कार्यालय कैलालीसे प्रहरी टोली खटके चेकजाँच करेबेर मनोज जोशीके थेनसे ३ ग्राम लागुऔषध (खैरो हिरोईन) फेला पारल रहे । बरामदपाछे लागुऔषध (खैरो हिरोइन) मुद्दामे मुद्दा दर्ता करके थप अनुसन्धान कार्य हुइटी रहल प्रहरी जनैले बा ।