सुदूरपश्चिम लोकसेवा कार्यतालिका बनाल
पहुरा समाचारदाता
धनगढी, १३ फागुन । प्रदेश लोकसेवा आयोग सुदूरपश्चिम वार्षिक कार्यतालिका सार्वजनिक करले बा । आयोग गठन हुइल एक वर्षपाछे वार्षिक कार्यतालिका बनाके सार्वजनिक करल हो ।
आयोगके सचिव दुर्गादत्त बिष्टके अनुसार चैत दोसर सातामे पहिल विज्ञापन खोल्ना मेरिक कार्यतालिका तयार पारल बा ।
वन सेवा, जनरल फरेष्टी, वन रक्षक ओ तह विहीन समूहओर फागुनमे माग आकृति फाराम प्राप्त करना, फागुनमे प्रतिशत निर्धारण करना ओ चैतके दोसर बुधके रोज विज्ञापन खोल्ना तालिका तयार हुइल उहाँ बटैं ।
ओस्टेक टमान सेवाके सहायकस्तर पाँचौ तहके प्राविधिक पदके लाग फागुनमे माग आकृति फाराम प्राप्त कैना, चैतमे प्रतिशत निर्धारण करना ओ बैशाख दोसर बुधबार विज्ञापन खोल्न सार्वजनिक कार्यतालिकामे उल्लेख बा ।
सहायकस्तर पाँचौ तहके प्राविधिक पदओर चैतमे माग आकृति फाराम प्राप्त करना, बैशाखमे प्रतिशत निर्धारण करना ओ जेठ दोसर बुधबार विज्ञापन खोल्न कार्यतालिका तयार हुइल लोकसेवा आयोगके सचिव बिष्ट जानकारी डेलैं । उ कार्यतालिका शुकके रोजसे लागू हुइल बा ।
