थप १५५ मे संक्रमण पुष्टि, २ के मृत्यु
काठमाडौं, १४ फागुन । नेपालमे थप १५५ जहनमे कोरोना संक्रमण पुष्टि हुइल । बिटल २४ घण्टामे पाँच हजार १५२ ठो स्वाब नमुनाके परीक्षण करलमे १५५ जहनके नतिजा पोजिटिभ आइल हो ।
दुई हजार २३९ नमुनाके पीसीआर परीक्षणमे १०१ ओ दुई हजार ९१३ नमुनाके एन्टिजेन विधिसे परीक्षणमे ५४ जहनमे संक्रमण डेखाइल हो ।
पाछेक २४ घण्टामे कोरोनाके कारण देशभर दुई जहनके मृत्यु पुष्टि हुइल बा । यीसँगे नेपालमे कोरोनाके कारण मृत्यु हुइनाके संख्या ११ हजार ९३४ पुगल बा ।
बिटल २४ घण्टामे देशभर ५४० जाने ठिक हुइल बटैं । यीसँगे नेपालमे कोरोनामुक्त हुइनाके संख्या नौ लाख ५५ हजार ९९८ पुगल बा । हाल देशभर कोरोनाके सक्रिय संक्रमितके संख्या आठ हजार ८३९ रहल स्वास्थ्य तथा जनसंख्या मन्त्रालय शनिच्चरके रोज जनैले बा ।
सेतीमे थप चारमे कोरोना पुष्टि
ओस्टेक, धनगढीस्थित सेती प्रादेशिक अस्पतालके प्रयोगशालामे करल परीक्षणमे थप चार जहनमे कोरोना पुष्टि हुइल बा ।
बिटल २४ घण्टामे ३१ नमुना परीक्षणमे चार जहनमे संक्रमण पुष्टि हुइल अस्पतालके सूचना अधिकारी दिलीपकुमार श्रेष्ठ जानकारी डेलैं ।
ओहे अवधिमे दुई जाने अस्पताल भर्ना हुइल बटैं । हाल अस्पतालमे तीन जाने संक्रमित बिरामी उपचाररत बटैं ।
