सामुदायिक प्रहरी सेवा केन्द्रके अध्यक्षमे फेरसे जनकराज
पहुरा समाचारदाता
धनगढी, १५ फागुन । सामुदायिक प्रहरी सेवा केन्द्रके अध्यक्षमे फेरुसे जनकराज पाण्डे निर्विरोध निर्वाचित हुइल बटै ।
धनगढी उपमहानगरपालिका–५, हसनपुरमे रहल सामुदायिक प्रहरी सेवा केन्द्रके १९ औं साधारण सभासे जनकराज पाण्डे फेरसे अध्यक्षमे निर्वाचित हुइल हुइट । साधारण सभासे उपाध्यक्षमे कुबेरबहादुर शाही, सचिवमे भीमबहादुर चौधरी ओ कोषाध्यक्षमे लोकेन्द्र भट्ट फरेसे निर्विरोध निर्वाचित हुइल हुइट ।
सहसचिवमे अर्जुनबहादुर खड्का निर्वाचित हुइल बटै कलेसे सदस्यमे धनबहादुर शाही, छेदालाल चौधरी, दत्तुराम पाण्डे, रञ्जना शाही, दिनेश प्रकाश चटौत ओ बहादुर सिंह कार्की निर्विरोध निर्वाचित हुइल बटै ।
संस्थाके पहिल बैठक बिरेन्द्रबहादुर शाही, सुनिराम चौधरी, प्रकाशबहादुर सिंह ओ महेशकुमार सिंहहे सदस्यमे मनोनित करले बा । केन्द्रके १९ औं साधारण सभा उदघाटन शनिच्चरके रोज हुइल रहे । उदघाटन कार्यक्रम वडका पहुना कैलालीके प्रमुख जिल्ला अधिकारी किरण थापा ओ विशिष्ट पहुना कैलालीका प्रहरी प्रमुख प्रहरी उपरीक्षक विश्व अधिकारी रहल रहिट ।
कार्यक्रमके उदघाटन समारोहमे टमान क्षेत्रमे योगदाना पुगाइल संस्था ओ व्यक्तिहुकनहे सम्मान करल रहे । पत्रकारिता क्षेत्रमे योगदान पुगाइल कहटी पत्रकार कर्ण शाह, सेवा केन्द्रके टमान संरचना निर्माणमे आर्थिक सहयोग जुटैना सहयोग कैना धिमलाल जोशी, बाजेबज्यैके अहोरात्र खटके सेवा करलबाफत महेशकुमार सिंह, मानवीय सेवामे समर्पित दृष्ट्रि फाउण्डेसन ओ मानव सेवा आश्रम लगायतहे सम्मानित करल रहे ।
बि.स. २०५७ सालमे स्थापना हुइल सामुदायिक प्रहरी सेवा केन्द्र हसनपुरमे ३१४ जाने आजिवन सदस्य रहल बटै ।
