शिव मन्दिरमे सक्करहीसे दर्शनार्थीके भिड
पहुरा समाचारदाता
धनगढी, १७ फागुन । आज शिवरात्रि । हरेक बरस फागुन कृष्ण चतुर्दशी मध्यरातमे परल दिन मनाजैना शिवरात्रि पर्व भगवान शिवके पूजा–आराधना कैके आज देशभर मनाजैटी बा । उहे अवरसमे शिव मन्दिरमे सक्करहीसे दर्शनार्थीके भिडभाड लागल बा । धनगढीके शिवपुरी धाम, जखोर ताल स्थित शिव मन्दिर ओ बेहडाबाबा मन्दिरमे सक्करहीसे भक्तजनके भिड लागल बा ।
व्रतमध्ये सर्वोत्तम कहलल् महाशिवरात्रिके दिन आज भक्तजन शुद्ध भई शिव मन्दिरमे पूजा–अर्चना कैके व्रत बैठ्ना ओ भगवान शिवके प्रिय वस्तु दूध, धतुरो ओ बेलपत्र चह्रैना करठै ।
इ पर्वके दिन उपवास कैके रातभर जाग्राम बैठ्लेसे सर्वसिद्धि लाभ होके यमलोक जाइ नैपर्र्ना धार्मिक विश्वास रहल बा । शिवरात्रिके दिन भगवान महादेवहे जाड लग्ना जनविश्वाससे प्रत्येक घर, चोक ओ मठमन्दिरमे काठी मागके धुनी जगाके भजनकीर्तनके साथ उहे आगीमे प्रसाद बनाके ग्रहण करजाइठ् ।
राष्ट्रिय सांस्कृतिक पर्वके रूपमे रहल इ दिन पशुपतिनाथमे रातके चार प्रहरमे चार मेकरे पूजाके अतिरिक्त महादीप, अखण्डदीप, लक्ष्यबत्ती तथा दीपोत्सवके साथ लाख बेलपत्र अर्पण करजाइठ् ।
