रुससे युद्धविराम घोषणा
काठमाडौं, २१ फागुन । युक्रेनसँगके संघर्षके दसौँ दिन रुस अस्थायी रूपमे दुई सहरमे युद्धविराम घोषणा करले बा । मानवीय सहायताके लाग कटि रुस शनिच्चरके रोज युद्धविराम घोषणा करल हो ।
रुसी समाचार संस्था तासके अनुसार मरिपोल ओ भोल्नोभाखाके स्थानीय बासिन्दाहे बाहेर निक्रेक लाग मानवीय करिडोर खुल्ला करल बा ।
तास रुसी रक्षा मन्त्रालयहे उद्धृत करटि कले बा, ‘आज मार्च ५ के दिन मस्कोके समयअनुसार बिहान १० बजे युद्धविराम घोषणा करल बा । साथे मरिपोल ओ भोल्नोभाखाके बासिन्दाहे बाहेर निक्रेक लाग मानवीय करिडोर खुला करल बा ।’
दुनु देशके अधिकारीबीच हुइल दोसर चरणके वार्तामे मानवीय सहायतके लाग करिडोर खुला करना सहमति हुइल रहे ।
रुसी रक्षा मन्त्रालय रुसी सेना युक्रेनी सहरहे निसानामे नैढरल फेन दाबी करले बा । साथे उ सर्वसाधारणहे कौनो फेन खतरा नैरहल दाबी करटि केवल सैन्य संरचनामे किल आक्रमण करल बटैले बा ।
मरिपोल ओ भोल्नोखोभामे कुछ दिनसे दुनु पक्षबीच भीषण संघर्ष जारी रहल बा ।
