होलीके नयाँ गीत ‘प्रेमक पिचकारी’ सार्वजनिक
काठमाडौं, २१ फागुन । मैथिली–नेपाली सङगीतमे होलीके नयाँ म्यूजिक भिडियो ‘प्रेमक पिचकारी’ सार्वजनिक हुइल बा ।
म्युजिक भिडियोमे गायक नितिन गजुरेल ओ चर्चित गायिका ज्योती विश्वकर्माके स्वर रहल बा । मैथिली साहित्यके पार्खी गीतकार विद्यानन्द बेदर्दीके शब्द रहल म्युजिक भिडियोमे अभिनेत्री तथा मोडेल अञ्जली अधिकारी ओ दुसर मोडल सुधीर श्रेष्ठ अभिनय करले बटै ।
यी भिडियोमे होलीके मुल मर्मअनुसार आपसी एकताके सन्देश डेना प्रयास करल निर्माण पक्ष जनैले बा । गीतमे मिथिलाके पारम्परिक जोगिराके छनक समेत समेटल बा । यी प्रेमके सन्देशफे डेहल बेदर्दी जनैले बटै ।
गजुरेलसे गीतके कम्पोज करले बटै कलेसे भूपेन्द्र रायमाझी यी गीतमे सङगीत डेहल बटै । नेपाली फिल्म उद्योगके प्रसिद्ध कोरियोग्राफर एवं निर्देशक कमल राईके निर्देशन रहल यी गीतके शिव ढकालसे छायाङकन करले बटै । भिडियोमे विद्यानन्द वेदर्दीके प्रस्तुति ओ पोस्ट प्रोडक्शन सफल मोसन पिक्चरके रहल बा ।
