अन्तर्राष्ट्रिय महिला दिवसमे प्रभातफेरी

पहुरा समाचारदाता
धनगढी, २४ फागुन । ११२ औँ अन्तर्राष्ट्रय महिला दिवसके अवसरमे मंगरके रोज प्रभातफेरी र्‍याली निकारगिल बा ।

‘सामाजिक न्याय ओ महिला समानताः दिगो विकासके सुनिश्चितता’ कना नाराके साथ जिल्ला कैलाली धनगढी उपमहानगरपालिकास्थित ट्राफिक चौराहासे सुदूरपश्चिम प्रदेश सामाजिक विकास मन्त्रालयसम ¥याली तथा प्रभातफेरी कार्यक्रम करल बा ।

सुदूरपश्चिम प्रदेशके सामाजिक विकास मन्त्री लालबहादुर खड्काके वडका पहुनामे हुइल प्रभातफेरी र्‍यालीमे प्रदेशके राज्य मन्त्री, टमान राजनितिक दलके प्रतिनिधि, महिला समुहके पदाधिकारी, संचारकर्मी, नेपाल प्रहरी ओ शसस्त्र प्रहरी लगायत और सर्वसाधारणहुकनके सहभागिता रहल रहे ।