निबन्ध प्रतियोगिता निम्जल

पहुरा समाचारदाता
मसुरिया, २४ फागुन । ११२ औं अन्तर्राष्ट्रिय नारी दिवसके अवसरमे मंगरके रोज गौरीगंगा नगरपालिकामे ‘कोभिड–१९ (कोरोना)से शिक्षामे परल प्रभाव’ शीर्षकमे पालिकास्तरीय निबन्ध लेखन प्रतियोगिता हुइल बा ।

प्रतियोगिता बालकन्याण संघ टीकापुर–८, वर्ल्डभिजन इन्टरनेशनल नेपालके साझेदारीमे सञ्चालित बाल स्पोन्सरसिप कार्यक्रम अन्तर्गत हुइल रहे । उ कार्यक्रम गौरीगंगा नगरपालिकाके वडा नम्बर १० ओ ११ मे लागू हुइल बा ।

प्रतियोगितामे पहिल सुस्मिता उप्रेती, डुसरा सीता साउँद ओ टिसरा रूपाकुमारी धामी हुइल रहैं ।