खप्तड गोल्डकपः मनाङ फाइनलमे

पहुरा समाचारदाता
धनगढी, २५ फागुन । मनाङ मस्र्याङ्दी क्लब सर्वाधिक धनराशीके पाँचौ मुख्यमन्त्री सुदुरपश्चिम खप्तड गोल्डकप फुटबल प्रतियोगिताके फाइनलमे प्रवेश करले बा ।

धनगढी रंगशालामे बुधके हुइल पहिल सेमीफाइनलमे हिमालयन शेर्पा क्लवहे पेनाल्टी सुटआउटमे ४–२ गोल अन्तरसे हरैटी मनाङ फाइनल पुगल हो ।

खेलके निर्धारित समय १–१ गोलके बराबरीमे सेकलपाछे खेल पेनाल्टी सुटआउटमे गैल रहे । पेनाल्टीमे मनाङसे बाजी मारल । पेनाल्टीमे मनाङके अन्जन विष्ट, रुपेश केसी, मौसा अबागाना ओ पुजन उपरकोटीसे गोल करलै । हिमालयनके उल्रिच सिवे ओ पिस्टन मुटाम्बा गोल करलै । विशाल श्रेष्ठ ओ विवेक पण्डित पेनाल्टीमे गोल कैना चुक्लै ।

पेनाल्टी आघे खेलके २८ औं मिनेटमे शिशिर लेखी हेडर मार्फत गोल करटी मनाङहे सुरुआती अग्रता डेहल रहिट । मने, खेलके ० औं मिनेटमे सुरेश कुमाल गोल करटी हिमालयनहे १–१ गोलके बराबरीमे नन्ले रहिट । अब उपाधिके लाग मनाङसे फागुन २ गते बागमती युथ क्लब ओ फ्रेन्ड्स क्लबबीचके विजेतासँग खेली । दुसरा सेमिफाईनल खेल विफेक रोज हुई ।