७९ सालमे शनिच्चरबाहेक ४३ दिन सार्वजनिक विदा

डसियामे ६ दिन, ओ डेवारीमे ५ दिन विदा

काठमाडौं, २७ फागुन । सरकारसे २०७९ सालमे शनिच्चरबाहेक ४३ दिन थप सार्वजनिक विदा डेना निर्णय करले बा । गृह मन्त्रालयसे वर्ष २०७९ के लाग सार्वजनिक करल विदा सूचीमे शनिच्चरबाहेक थप ४३ दिन सार्वजनिक विदा डेना निर्णय करल हो ।

बिफेक रोज मन्त्रालयसे राजपत्र उ सूचना प्रकाशित करटी वैशाख १ गतेसे चैत मसान्तसम मुलुकभरके सक्कु सरकारी कार्यालय तथा सार्वजनिक निकायके लाग हुइना विदाके सूची राखल हो ।

वर्ष २०७९ मे ५२ दिन शनिच्चर ओ ४३ दिन और बिदा करके ९५ दिन सार्वजनिक बिदा हुई । विदा हुइना दिनमे २० दिन टमान पर्व विदा, दुई दिन महिला कर्मचारीके लाग केल विदा, एक दिन शिक्षण संस्थाके लाग विदा, चार दिन काठमाडौं उपत्यकाके लाग केल टमान जात्रा विदा, ६ दिन डसिया विदा, पाँच दिन डेवारी विदा, पाँच दिन सक्कुहुनके लाग दिवस विदा तथा एक दिन अपांगता हुइल व्यक्तिके लाग केल विदा करके ६ दिन दिवस विदा डेहल बा ।

ओस्टेक ३ दिन जन्मजयन्ती विदा डेहल बा । जेम्ने बुद्ध जयन्तीके दिन सक्कुहुनके लाग विदा हुइलेसेफे और २ ठो जयन्ती भर सम्बन्धित धर्मावलम्बीके लाग केल विदा डेहल बा ।

डसिया विदा कुवाँर १६ गते फूलपातीसे २१ गते द्वादशीसम ६ दिन हुइना बा । डेवारी बिदा भर कार्तिक ७ गतेसे ११ गतेसम ५ दिन हुइना बा । सरकारसे विश्व मजदुर दिवस, गणतन्त्र दिवस, संविधान दिवस, राष्ट्रिय प्रजातन्त्र दिवस ओ अन्तर्राष्ट्रिय महिला दिवसमे विदा डेना हुइल बा ।
ओस्टेक करके, बुद्ध जयन्तीमे देशभर सक्कुहे लागूहुइना करके विदा डेना ओ फाल्गुनन्द जयन्ती, गुरु नानक जयन्तीमे सम्बन्धित धर्मालम्बीहुकनहे केल विदा डेना बा ।

ओस्टेक, गौरापर्व, महाशिवरात्री ओ अन्तर्राष्ट्रिय अपांगता दिवस भर शनिच्चर परल बटै । गृह मन्त्रालयसे सार्वजनिक विदासंगे पर्व एवम सट्टा विदा तथा कार्यालय समयफे निर्धारण करले बा ।

मन्त्रालयसे अइना वर्षमे वैशाखसे कार्तिक १५ सम माघ १६ से चैत मसान्तसम कार्यालय समय बिहान १० बजेसे साँझ ५ बजेसम तथा कार्तिक १६ गतेसे माघ १५ गतेसम बिहान १० बजेसे अपरान्ह ४ बजेसम कार्यालय हाजिर हुइना ओ छुट्न समय तोकल बा ।

शुकके भर सकारे १० बजेसे साँझ ३ बजेसम कार्यालय समय तोकल बा । विदेशस्थित नेपाली नियगसे भर सम्बन्धित मुलुकके सार्वजनिक विदाहे समेत ध्यानमे धारके ढेरमे १८ दिनसम सार्वजनिक विदा अपनही व्यवस्थापन ओ समायोजन करे सेक्ना जनाइल बा ।

नेपाल सरकारसे निर्णय करके तोकल सार्वजनिक विदाके अतिरिक्त प्रदेश सरकारसे आ–अपन प्रदेशके धर्म, संस्कृति ओ रितिस्थितिसमेतलार्य ध्यानमे धारके घोषणा करल वर्षके ढेरमे ६ दिनसमके सार्वजनिक विदामे सम्बन्धित प्रदेशमे रहल संघीय कार्यालयमे समेत सार्वजनिक विदा करजाई ।