बडुवाल हत्याके थप एक आरोपी पुर्पक्षके लाग कारागार चलान

पहुरा समाचारदाता
धनगढी,२७ फागुन । डम्बरबहादुर बडुवालके जाहेरीसे वादी नेपाल सरकार प्रतिवादी टिकापुर नगरपालिका वडा नं. १ के विकास शेरचनहे सम्मानित कैलाली जिल्ला अदालतसे पुर्पक्षके लाग जिल्ला कारागार कैलाली चलान करल बा ।

कैलाली जिल्ला अदालतसे फागुन २६ गते हुकहिनहे मुलुकी फौजदारी कार्यविधि संहिता २०७४ के दफा ६७ बमोजिम मुद्दा पुर्पक्षके लाग कारागारमे हिरासतमे रख्न आदेश डेहल हो । जिल्ला कैलाली लम्की चुहा नगरपालिका बैठना बर्ष २३ के भुपेन्द्र बडुवालके २०७८ पुस २३ गते टीकापुर नगरपालिका वडा नं. १ मे हत्या हुइल रहे ।