सुदूरपश्चिम तेक्वान्दो संघके अध्यक्षमे शाही

पहुरा समाचारदाता
धनगढी, २८ फागुन । सुदुरपश्चिम प्रदेश तेक्वान्दो संघके अध्यक्षमे सुवाश शाही निर्वाचित हुइल बटै ।

धनगढीमे शनिच्चरके हुइल पहिल प्रदेश अधिवेशनसे शाहीके अध्यक्षतामे नयाँ कार्यसमिति बनल हो । समितिके उपाध्यक्षमे केशव भट्ट ओ सरोज चौधरी, महासचिवमे पदम विक्रम सिंह, कोषाध्यक्षमे दिपेन्द्र कुँवर, सचिवमे श्रीराम चौधरी रहल बटै ।

ओस्टेक कार्यसमिति सदस्यमे जेपी चन्द, रमेश कुमाल, कमल पनेरु, यज्ञराज ओझा, धनन्जय जैशी, लोग बहादुर बुढा, नरेन्द्र जैशी, धनन्जय रिमाल, कमल कार्की ओ गजेन्द्र डगौरा रहल बटै ।