रानाथारु कलाकार मंचके अध्यक्षमे श्रीशा राना

पहुरा समाचारदाता
कञ्चनपुर, २८ फागुन । कंचनपुरके लालझाडी गाउँपालिका वडा न. ०२ स्थित दोदा रिभर साइड रिसोर्टमे रानाथारु कलाकार मंचके पहिल अधिवेशन हुइल बा । शनिच्चरके रोज हुइल अधिवेशनसे श्रीशा रानाके अध्यक्षतामे लौवा कार्यसमिति गठन कैगिल बा ।

रानाथारुमे महिलासेफे नेतृत्व करे परठ कहिके अध्यक्षमे श्रीशा राना प्रतिनिधित्व करल हुइट । जेकर उपाध्यक्षमे दशरथ राना, कोषाध्यक्षमे संजयदत्त राना, सचिवमे रामप्रसाद राना, सदस्यमे नरेश राना , सरस्वती राना, अमरसिंह राना, कन्चन राना, पार्वती राना, शिवराज राना ओ जगदिश राना रहल बटै ।

राना कला संस्कृति संरक्षण तथा विकास मञ्चके अध्यक्ष नारायण राना ओ दोदा रिभर साइडके संचालक प्रकाश राना निर्वाचन मण्डलमे निर्वाचन प्रतिनिधि रहल रहिट ।