सितोरियो कराँते प्रतियोगिता हुइल
पहुरा समाचारदाता
धनगढी, २८ फागुन । कैलालीके अत्तरियामे एक दिवसीय सितोरियो कराँते प्रतियोगिता हुइल बा ।
एभरेष्ट एकेडेमी सितोरीयो कराते डोजोके आयोजनामे शुकके गोदावरी नगरपालिका– १ अत्तरियामे रहल एभरेष्ट एकेडेमीेके प्राङणमे प्रतियोगिता हुइल हो ।
प्रतियोगितामे एभरेष्ट एकेडेमीके पुरुष खेलाडी रोशन भाट ओ ओलानीके महिला खेलाडी मीना विक उत्कृष्ट खेलाडी छनौट हुइल बटै ।
ओस्टेक समग्र प्रतियोगितामे गुलरीया–मालाखेती–ओलानी डोजो पहिल, धनगढी डोजो दुसरा ओ एभरेष्ट एकेडेमी डोजो टिसरा स्थान प्राप्त करल खेल संयोजक डम्बर साउँद जानकारी डेलै ।
प्रतियोगितामे धनगढी डोजो, गुलरीया–मालाखेती–ओलानी डोजो ओ एभरेष्ट एकेडेमी डोजो करके ५ दर्जनसे ढेर खेलाडी सहभागी हुइल रहिट । कुमीते ओ काता करके १९ गोल्ड मेडलके लाग प्रतियोगिता हुइल रहे ।
एकेडेमीके प्रधानाध्यापक बन्सी चौधरीके सभापतित्वमे संचालन हुइल कार्यक्रमके वडका पहुना नेपाल कराँते महासंघके सुदूरपश्चिम प्रदेशके उपप्रमुख भरत हमाल रहेल रहिट ।
