खप्तड गोल्डकपके च्याम्पियन मनाङ
पहुरा समाचारदाता
धनगढी,२८ फागुन । फाइनलमे संकटाहे तीन एकसे हरैटी मनाङ दुसरा चो खप्तड गोल्डकपके फाइनल जित्न सफल हुूइल बा ।
खप्तड गोल्डकपके उपाधि मनाङ मस्र्याङ्दी क्लवसे जिटले बा । फाइनलमे फ्रेन्डसहे तीन एकसे हरैटी मनाङसे दुसरा चो खप्तड गोल्डकपके फाइनल जित्न सफल हुूइल । मनाङके यी सिजनके पहिल उपाधि हो ।
धनगढी रंगशालामे हुइल फाइनलमे फ्रेन्डससे सुरुवाती पेनाल्टी गुमाईबेर अन्तिममे हार ब्यहोरे परल । मनाङके जितमे दिनेश राजवंशी ओ ओलाओल अफिजसे एक एक गोल करलै ।
खेलके १७ औं मिनेटमे फ्रेन्ड्ससे पेनाल्टीके अवसर पाइल रहे । जेम्ने जमोउल फ्रान्स्वासे प्रहार करल पेनाल्टीहे मनाङके गोलकिपर विशाल सुनार उत्कृष्ट बचाउ करलै ।
२१ मिनेटमे फ्रेन्डसके निसेन सुब्बा अञ्जन विष्टउप्पर फल करलेसेफे पाइल फ्रिकिकमे दिनेश राजवंशी उत्कृष्ट कैना सफल हुइलै । यी गोलमे फ्रेन्ड्सके गोलकिपर राहुल यादव सहजे बल नियन्त्रणमे लेना अवस्थामे गोरले क्लियन करे खोजेबेर गोल हुई पुगल ।
खेलके ५५ औं मिनेटमे फ्रेन्ड्स खेल बराबरी कैना सफल हुइल । मनाङके डिफेन्डर फ्र्रेङ्क्लिनसे गोलकिपरहे ब्याक पास करेबेर जमोउल फ्रेन्स्वा बल भेटलपाछे सहज गोल कैना सफल हुइलै ।
७१ औं मिनेटमे मनाङसे खेल दुई एकमे पुगाइल । ओकर लाग विमल रानाके पासमे विदेशी खेलाडी अफिज ओलाओलेसे गोलकिपर अपन पोजिसनसे बाहेर आइल मौकाके फाइदा उठैटी चिप करके गोल कैना सफल हुइलै ।
मने खेलके ८५ औं मिनेटमे एक्के पटक दुई ठो लाल कार्ड डेगिल । जेकर कारण दुनु टिम १० खेलाडीमे झरे पुग्लै । मनाङके रुपेश केसी ओ फ्रेन्ड्सके श्याम बाबु सोझे लाल कार्ड पैलै ।
खेलके इन्जुरी समयमे मोउसासे गोल करटी मनाङहे तीन एकके अग्रता डेहुवइलै । काउन्टरमे उहाँ उत्कृष्ट गोल कैना सफल हुइलै ।
मने ओकरपाछे दुनु टिमसे थप गोल हुई नइसेकल ओ मनाङ च्याम्पियन बनल । उपाधिसंगे मनाङ २१ लाख रुप्या प्राप्त करल ।
