वाइसिएलके कार्यकर्ता भेला

पहुरा समाचारदाता
पहलमानपुर, २९ फागुन । नेकपा माओवादी केन्द्रके भातृ संगठन वाईसिएलके कार्यकर्ता भेला तथा प्रशिक्षण कार्यक्रम घोडाघोडी–१२, त्रिवेणी बजारमे हुइल बा ।

माओवादी केन्द्र वडा कमिटी अध्यक्ष लहतराम चौधरीके अध्यक्षतामे हुइल कार्यक्रमके वडका पहुना माओवादी केन्द्रके केन्द्रीय सदस्य वीरमान चौधरी रहल रहिट । कार्यक्रममे माओवादी केन्द्रके प्रदेश सदस्य नैनबहादुर चौधरी, भीमसेन चौधरी, सरु चौधरी, ममता चलाउने, मनिषा चौधरी, नगर अध्यक्ष खगेन्द्र हमाललगायतके सहभागिता रहे ।

कार्यक्रममे सहिद परिवार सम्मान तथा अनाथ बालिबालिकाहुकन शैक्षिक सामाग्री हस्तान्तरण करल रहे । कार्यक्रमके संचालन नगर सदस्य आकाश परियार करले रहिट ।